महर्षि सुदर्शन जयंतीनिमित्त अमरावती महानगरपालिकेत बुधवारी हारार्पण कार्यक्रम मोठ्या श्रद्धा व उत्साहात पार पडला. महानगरपालिका अतिरिक्त आयुक्त महेश देशमुख यांच्या हस्ते महर्षि सुदर्शन यांच्या प्रतिमेस पुष्पहार अर्पण करून अभिवादन करण्यात आले. हा कार्यक्रम महानगरपालिका कॉन्फरन्स हॉल येथे आयोजित करण्यात आला होता.
कार्यक्रमात अशोक पासरे यांनी महर्षि सुदर्शन यांच्या कार्याबद्दल सविस्तर माहिती दिली. अतिरिक्त आयुक्त महेश देशमुख यांनी उपस्थितांना संबोधित करताना सर्व समाजबांधवांना महर्षि सुदर्शन जयंतीच्या शुभेच्छा दिल्या आणि त्यांच्या विचारांचे अनुसरण करण्याचे आवाहन केले.