अमरावती शहरातील स्वच्छता व्यवस्था अधिक प्रभावी करण्यासोबतच नाल्यांची नियमित साफसफाईच्या समस्यांवर लक्ष केंद्रित करण्याच्या दृष्टीने अमरावती महानगरपालिका आयुक्त डॉ. मंगेश गोंदावले यांनी गुरुवारी, दि. १ ऑक्टोबर रोजी सकाळी महानगरपालिकेच्या पश्चिम झोनमधील विविध भागांची प्रत्यक्ष पाहणी केली.
या पाहणीदरम्यान त्यांनी संबंधित अधिकाऱ्यांकडून परिसरातील स्वच्छता, नाले तसेच उद्यान आणि सार्वजनिक जागांबाबतची सद्यस्थिती जाणून घेतली.
आयुक्त डॉ. मंगेश गोंदावले यांनी नागपुरी गेट, पठाण चौक, छायानगर, पाटीपुरा, ताजनगर, जाकीर कॉलनी आणि कमेला ग्राऊंड परिसरात भेट देऊन विविध ठिकाणांची पाहणी केली.
शहरातील स्वच्छता व्यवस्था ही केवळ कागदोपत्री न राहता प्रत्यक्ष परिसरातही प्रभावीपणे दिसून यावी, यासाठी अधिकाऱ्यांनी नियमितपणे क्षेत्रीय पाहणी करून आवश्यक त्या उपाययोजना कराव्यात, यावर यावेळी भर देण्यात आला.
पश्चिम झोनमधील विविध भागांतील नाल्यांची स्थिती, नाल्यांमध्ये साचणारा कचरा तसेच निर्माण होणाऱ्या संभाव्य समस्यांच्या अनुषंगाने आयुक्तांनी माहिती घेतली.
नाल्यांची नियमित साफसफाई करणे, कचरा तातडीने उचलणे आणि नागरिकांना त्रास होणार नाही यासाठी स्वच्छता यंत्रणेने सतर्क राहणे आवश्यक असल्याचे यावेळी मनपा प्रशासनाच्या स्तरावरून स्पष्ट करण्यात आले.
परिसरातील रस्ते, सार्वजनिक ठिकाणे आणि नागरिकांची वर्दळ असलेल्या भागांमध्ये स्वच्छता व्यवस्थित ठेवण्याबाबतही पाहणी करण्यात आली.
स्वच्छतेशी संबंधित कामांमध्ये कोणत्याही प्रकारची हलगर्जीपणा होऊ नये, यासाठी संबंधित विभागांनी प्रत्यक्ष क्षेत्रात लक्ष ठेवण्याची गरज आहे.
आयुक्तांच्या प्रत्यक्ष पाहणीमुळे पश्चिम झोनमधील स्वच्छता, नाला सफाईशी संबंधित बाबींचा मनपा प्रशासनाला प्रत्यक्ष आढावा घेता आला.
शहरातील विविध भागांमध्ये स्वच्छता व्यवस्था अधिक सक्षम करण्यासाठी आणि नागरिकांना चांगल्या नागरी सुविधा उपलब्ध करून देण्यासाठी संबंधित विभागांनी समन्वयाने कार्य करणे गरजेचे आहे.
आयुक्तांच्या या क्षेत्रीय पाहणीदरम्यान अतिरिक्त आयुक्त महेश देशमुख, अतिरिक्त आयुक्त शिल्पा नाईक, उपायुक्त नरेंद्र वानखडे, उपायुक्त योगेश पिठे, सहाय्यक आयुक्त मनोज शहाळे, भूषण पुसतकर, वैद्यकीय अधिकारी (स्वच्छता) डॉ. अजय जाधव, उद्यान अधीक्षक शैलेश बोरकर, वैद्यकीय अधिकारी डॉ. फिरोज खान, अतिक्रमण पथक प्रमुख योगेश कोल्हे, स्वास्थ्य अधीक्षक विजय बुरे, ज्येष्ठ स्वास्थ्य निरीक्षक राजेश राठोड, अमरावती शहर समन्वयक श्वेता बोके, स्वास्थ्य निरीक्षक तसेच संबंधित कंत्राटदार उपस्थित होते.