अमरावती महानगरपालिकेतर्फे शहरातील विविध प्रभागांमध्ये आयोजित करण्यात आलेल्या मालमत्ता कर वसुली शिबिरांना नागरिकांकडून मोठा प्रतिसाद मिळत असून, केवळ दोन दिवसांत एकूण ₹९९.८६ लाखांची प्रभावी वसुली नोंदवण्यात आली आहे.
६ डिसेंबर रोजी आयोजित विशेष वसुली शिबिरात उत्तर झोन क्र.१ मधून ₹८.५२ लाख, मध्य झोन क्र.२ मधून ₹२०.३५ लाख, पूर्व झोन क्र.३ मधून ₹४.८३ लाख, दक्षिण झोन क्र.४ मधून ₹१.३१ लाख आणि पश्चिम झोन क्र.५ मधून ₹८.९३ लाख अशी एकूण ₹४३.९४ लाखांची वसुली झाली.
यानंतर ७ डिसेंबर रोजी ऑनलाइन प्रणालीद्वारे नोंद झालेल्या वसुलीत उत्तर झोन क्र.१ मधून ₹१२.४६ लाख, मध्य झोन क्र.२ मधून ₹२२.६१ लाख, पूर्व झोन क्र.३ मधून ₹४.६३ लाख, दक्षिण झोन क्र.४ मधून ₹३.६८ लाख आणि पश्चिम झोन क्र.५ मधून ₹१२.५४ लाख अशी एकूण ₹५५.९२ लाखांची भर पडली.
सतत वाढत असलेली मालमत्ता कर वसुली ही नागरिकांचा महापालिकेवरील विश्वास आणि करप्रणालीतील पारदर्शकतेचे द्योतक असल्याचे प्रशासनाकडून सांगण्यात आले.
प्रलंबित कर भरण्यासाठी महानगरपालिका पुढील काही दिवसांत आणखी शिबिरे आयोजित करण्याचा विचार करीत असून, नियमित कर भरणाऱ्या करदात्यांचे महापालिकेतर्फे मनापासून आभार व्यक्त करण्यात आले.