ही कार्यशाळा नागरी आरोग्य व्यवस्थेत सेवा गुणवत्ता, रुग्ण सुरक्षा आणि जनआरोग्य सुधारणा यांना चालना देणारा एक महत्त्वाचा उपक्रम आहे. कार्यक्रमास राष्ट्रीय आरोग्य अभियानाचे सहकार्य लाभले असून, आधार फाउंडेशन तांत्रिक भागीदार म्हणून कार्यरत आहे.
कार्यशाळेत CPR Assessment, Basic & Advanced Life Support (BLS/ALS) तसेच आपत्कालीन परिस्थितीत रुग्णाचे Structured Emergency Assessment याबाबत सखोल मार्गदर्शन देण्यात आले.
UPHC स्तरावर सेवा गुणवत्ता सुधारण्यासाठी आवश्यक संसाधने, चालू गुणवत्ता कार्यक्रमांची माहिती आणि कृतीक्षम पावले ओळखण्यासाठी दिशादर्शन करण्यात आले. आरोग्य केंद्रांमध्ये गुणवत्ता हमी प्रक्रिया प्रभावीपणे राबविण्यासाठी आरोग्य कार्यकर्त्यांची क्षमता वृद्धी यावर विशेष भर देण्यात आला.
मुख्य सत्रे:
1. गुणवत्तेचे महत्त्व व अद्ययावत कार्यक्रम माहिती – डॉ. वंदना गुढे, सिटी क्वालिटी अॅश्युरन्स कन्सल्टंट
2. Emergency Case Management व BLS Training – डॉ. शशांक कराळे, आधार फाउंडेशन
3. प्रात्यक्षिक प्रशिक्षण (CPR, BLS/ALS, Emergency Tools Usage)
4. समारोप व कार्ययोजना मार्गदर्शन – डॉ. विशाल काले, वैद्यकीय अधिकारी (MOH), अमरावती महानगरपालिका
या कार्यशाळेत १३ UPHCs, १२ मनपा दवाखाने आणि २३ आरोग्य वर्धिनी केंद्रांतील वैद्यकीय अधिकारी सहभागी झाले. UPHC स्तरावर आपत्कालीन सेवा अंमलबजावणीत आवश्यक ज्ञान व कौशल्य वृद्धीसाठी ही कार्यशाळा अत्यंत उपयुक्त ठरली. प्रत्येक केंद्रासाठी गुणवत्ता सुधारणा कृती आराखडा तयार करण्याबाबत स्पष्ट मार्गदर्शन देण्यात आले.
ही कार्यशाळा अमरावतीच्या सार्वजनिक आरोग्य व्यवस्थेत गुणवत्ता वाढीचा महत्त्वपूर्ण टप्पा ठरत असून, राज्यातील इतर नागरी प्राथमिक आरोग्य सेवांसाठीही आदर्श मानक निर्माण करेल.