आगामी अमरावती महानगरपालिका निवडणुकीच्या पार्श्वभूमीवर निवडणूक तयारीचा सविस्तर आढावा घेण्यासाठी आज सकाळी ११ वाजता महानगरपालिकेच्या कॉन्फरन्स हॉलमध्ये महत्त्वाची बैठक पार पडली.
आयुक्त तथा निवडणूक अधिकारी सौम्या शर्मा-चांडक यांच्या अध्यक्षतेखाली झालेल्या या बैठकीस नियंत्रण अधिकारी, सहाय्यक अधिकारी आणि संबंधित कर्मचारी उपस्थित होते.
बैठकीत निवडणूक प्रक्रियेतील प्रमुख घटकांवर सखोल चर्चा करण्यात आली. यामध्ये आचारसंहिता कक्षाचे व्यवस्थापन, कायदा व सुव्यवस्था, पोलीस बंदोबस्त तसेच FST, SST, VST आणि VVT पथकांचे नियोजन व प्रभावी नियंत्रण यांचा समावेश होता.
CVIGIL व ESMS प्रणालीतील कामकाज आणि तक्रार निवारण यंत्रणेवरही विशेष भर देण्यात आला.
मतदान व मतमोजणीसाठी मनुष्यबळ व्यवस्थापन, कर्मचारी प्रशिक्षण, मतदार केंद्र व मतमोजणी केंद्र व्यवस्थापन, Strong Room व्यवस्था, वाहतूक नियोजन, एक खिडकी सेवा, Sveep Plan तसेच साहित्य पुरवठा व आवश्यक फॉर्मच्या छपाई-वितरणाबाबत सविस्तर आढावा घेण्यात आला.
त्याचप्रमाणे EVM व्यवस्थापन, फर्निचर व इतर साहित्याचे वाटप, खर्चाचा हिशोब व लेखा परीक्षण, MCMC जाहिरात प्रमाणन, माहिती कक्ष व्यवस्थापन, अहवाल सादरीकरण, संगणकीकरण, माहिती संकलन तसेच Observer नोट्स व सादरीकरणांची तयारी यावर चर्चा करण्यात आली.
मतदान व मतमोजणी केंद्रांची स्वच्छता, भोजन व आवश्यक सुविधा, झोन कार्यालयांचे कार्यनियोजन आणि कर्मचारी व्यवस्थापन यांचाही आढावा घेण्यात आला.
बैठकीत आयुक्त सौम्या शर्मा-चांडक यांनी सर्व यंत्रणांनी वेळेत आणि समन्वयाने काम करण्याचे निर्देश दिले.
निवडणूक प्रक्रियेच्या प्रत्येक टप्प्यावर नियोजनबद्ध अंमलबजावणी, सुरक्षितता आणि पारदर्शकता राखणे अत्यावश्यक असल्याचे त्यांनी स्पष्ट केले.