अमरावती महानगरपालिकेच्या मुख्य लेखापाल म्हणून श्रीमती शिल्पा पवार यांनी आज पदभार स्वीकारला. त्यांनी मुख्य लेखापरीक्षक श्री शामसुंदर देव यांच्याकडून पदभार घेतला.
यावेळी संबंधित अधिकारी व कर्मचारी उपस्थित होते. श्रीमती पवार यांच्या रुजू होण्याने महानगरपालिकेच्या आर्थिक व लेखा विभागाच्या कामकाजाला अधिक गती मिळणार असून महसूल व्यवस्थापन, लेखा नियोजन व आर्थिक शिस्त बळकट होण्यास मदत होईल, असा विश्वास व्यक्त करण्यात आला.
अमरावती महानगरपालिकेच्या वतीने श्रीमती शिल्पा पवार यांचे स्वागत करण्यात आले असून त्यांच्या भावी कार्यकाळासाठी शुभेच्छा देण्यात आल्या.