स्वातंत्र्य दिन, अमरावती महानगरपालिकेचा वर्धापन दिन तसेच ‘हर घर तिरंगा’ अभियानाच्या अनुषंगाने पर्यावरण संवर्धनाचा संदेश देण्यासाठी अमरावती महानगरपालिकेच्या वतीने गुरुवारी (दि. १३ ऑगस्ट) सकाळी ८ वाजता इंद्रायणी नगर येथील कल्पदीप मंगल कार्यालयाच्या मागे, रिंग रोड परिसरात भव्य वृक्षारोपण अभियानाचे आयोजन करण्यात आले.
या अभियानात महानगरपालिकेचे पदाधिकारी, नगरसेवक-नगरसेविका, अधिकारी-कर्मचारी मोठ्या संख्येने सहभागी झाले.
स्वातंत्र्य दिनाचा उत्साह, महानगरपालिकेच्या वर्धापन दिनाचे औचित्य आणि ‘हर घर तिरंगा’ उपक्रमाच्या माध्यमातून देशभक्तीची भावना जागृत करण्यासोबतच शहराचा हरित विकास साधण्याचा संदेश या वृक्षारोपण अभियानातून देण्यात आला.
वाढते शहरीकरण, पर्यावरणाचा ऱ्हास आणि प्रदूषणाच्या पार्श्वभूमीवर शहरात मोठ्या प्रमाणात वृक्षलागवड व वृक्षसंवर्धन करणे आवश्यक आहे. याच उद्देशाने महानगरपालिकेने या उपक्रमाचे आयोजन केले.
या वृक्षारोपण अभियानात महापौर श्रीचंद तेजवानी, आयुक्त डॉ. मंगेश गोंदावले, उपमहापौर सचिन भेंडे, स्थायी समिती सभापती अविनाश मार्डीकर, सभागृह नेते चेतन गावंडे, गटनेते डॉ. राजेंद्र तायडे, झोन सभापती इस्माईल कासम लालुवाले यांच्यासह विविध समित्यांचे पदाधिकारी सहभागी झाले.
यावेळी माध्यमिक, पूर्व माध्यमिक व तांत्रिक शाळा समिती सभापती अॅड. प्रिती हर्षल रेवणे, उपसभापती वंदना मडघे, महिला व बाल कल्याण समिती सभापती ममता आवारे, नगरसेवक आशिष अतकरे, प्रदिप हिवसे, सचिन वैद्य, गुड्डु धर्माळे, दिनेश तानवैस, महेश मुलचंदानी, चंदु खेडकर, भोजराज काळे, अॅड.प्रशांत देशपांडे, संजय तिरथकर, नगरसेविका पद्मजा कौंडण्य, कल्याणी तायडे, विद्या माटे, स्मिता सुर्यवंशी, नंदा सावदे, प्रियंका पाटणे यांचीही प्रमुख उपस्थिती होती.
महानगरपालिकेचे अतिरिक्त आयुक्त महेश देशमुख, अतिरिक्त आयुक्त शिल्पा नाईक, उपायुक्त नरेंद्र वानखडे, उपायुक्त योगेश पिठे यांच्यासह विविध विभागांचे अधिकारी व कर्मचारी अभियानात सहभागी झाले. तसेच पर्यावरणप्रेमी आणि नागरिकांनीही या उपक्रमाला उपस्थिती लावली.
महानगरपालिका प्रशासनाच्या संयुक्त सहभागातून राबविण्यात आलेल्या या अभियानामुळे पर्यावरण संवर्धनाचा संदेश नागरिकांपर्यंत पोहोचविण्यात आला. वृक्षारोपण केवळ एका दिवसापुरते मर्यादित न राहता लावलेल्या प्रत्येक रोपाचे संगोपन व संवर्धन करणे ही सामूहिक जबाबदारी असल्याचे यावेळी अधोरेखित करण्यात आले.
‘हर घर तिरंगा’ अभियानातून प्रत्येक घरावर तिरंगा फडकवून देशभक्तीची भावना जागृत करण्याचे आवाहन करण्यात येत असतानाच अमरावती शहराला अधिक हिरवेगार आणि पर्यावरणपूरक बनविण्याचा संदेश वृक्षारोपण अभियानातून देण्यात आला.
स्वातंत्र्य दिनाच्या पार्श्वभूमीवर देशप्रेमासोबतच निसर्गप्रेमाची जोड देत शहराच्या पर्यावरणाचे रक्षण करण्याचा संकल्प या उपक्रमातून करण्यात आला.
शहरातील रस्त्यांच्या कडेला, मोकळ्या जागांमध्ये तसेच उपलब्ध शासकीय व सार्वजनिक जागांमध्ये मोठ्या प्रमाणावर वृक्षलागवड करणे, तसेच लावलेल्या झाडांचे नियमित संगोपन करणे आवश्यक असल्याचे उपस्थितांनी नमूद केले.
नागरिकांनीही आपल्या परिसरात वृक्षारोपण करून त्याच्या संवर्धनाची जबाबदारी स्वीकारावी, असे आवाहन करण्यात आले.
अमरावती शहराचा विकास होत असताना पर्यावरणाचा समतोल राखणे ही काळाची गरज आहे. वाढते तापमान, अनियमित पाऊस, प्रदूषण आणि कमी होत जाणारी हिरवळ यावर उपाय म्हणून वृक्षलागवड हा प्रभावी मार्ग आहे.
त्यामुळे महानगरपालिकेच्या वृक्षारोपण अभियानात नागरिक, सामाजिक संस्था आणि विविध घटकांनी सहभागी होऊन ‘हरित अमरावती’च्या निर्मितीसाठी योगदान देण्याचे आवाहन करण्यात आले.
स्वातंत्र्य दिन आणि महानगरपालिकेच्या वर्धापन दिनाचे औचित्य साधून आयोजित करण्यात आलेल्या या अभियानामुळे देशभक्ती, सामाजिक बांधिलकी आणि पर्यावरण संवर्धन या तिन्ही बाबींचा संगम घडून आला. पदाधिकारी, अधिकारी-कर्मचारी यांच्या उत्स्फूर्त सहभागामुळे परिसरात वृक्षारोपणाचा उपक्रम उत्साहात पार पडला.
अमरावती शहर अधिक हिरवेगार, सुंदर आणि पर्यावरणपूरक बनविण्यासाठी प्रत्येक नागरिकाने वृक्षारोपण मोहिमेत सक्रिय सहभाग घ्यावा, तसेच लावलेल्या रोपांच्या संगोपनाची जबाबदारीही स्वीकारावी, असे आवाहन महापौर श्रीचंद तेजवानी यांनी केले.
स्वातंत्र्य दिन, अमरावती महानगरपालिकेचा वर्धापन दिन तसेच ‘हर घर तिरंगा’ अभियानाच्या अनुषंगाने आयोजित वृक्षारोपण उपक्रमाला नागरिकांनी उत्स्फूर्त प्रतिसाद द्यावा. वृक्ष हे केवळ पर्यावरणाचे रक्षण करणारे घटक नसून भावी पिढीच्या सुरक्षित आणि निरोगी भविष्यासाठीची गुंतवणूक आहेत.
त्यामुळे प्रत्येकाने आपल्या परिसरात किमान एक तरी झाड लावून त्याचे संगोपन करण्याचा संकल्प करावा. अमरावती शहरात वाढते शहरीकरण आणि बदलते हवामान लक्षात घेता हिरवळ वाढविणे ही काळाची गरज आहे.
वृक्षांमुळे शहरातील तापमान नियंत्रणात राहण्यास, प्रदूषण कमी करण्यास तसेच पर्यावरणाचा समतोल राखण्यास मदत होते. त्यामुळे वृक्षारोपणाचा उपक्रम केवळ एका दिवसापुरता मर्यादित न ठेवता वर्षभर वृक्षसंवर्धनाची चळवळ उभी करणे आवश्यक आहे.
महानगरपालिकेच्या माध्यमातून राबविण्यात येणाऱ्या वृक्षारोपण उपक्रमांमध्ये सामाजिक संस्था, शैक्षणिक संस्था, व्यापारी, युवक, महिला आणि सर्वसामान्य नागरिकांनी सहभागी व्हावे. ‘एक नागरिक–एक झाड’ या भावनेतून प्रत्येकाने पुढाकार घेतल्यास अमरावती शहराला निश्चितच अधिक हिरवेगार आणि पर्यावरणस्नेही शहर बनविता येईल.
“हर घर तिरंगा”सोबत “हर घर हिरवाई”चा संकल्प करूया आणि आपल्या अमरावतीला हरित, स्वच्छ व सुंदर बनविण्यासाठी एकत्रितपणे योगदान देऊया,” असे आवाहन महापौर श्रीचंद तेजवानी यांनी केले.
अमरावती शहराचा पर्यावरणीय समतोल राखण्यासाठी आणि शहराला अधिक हिरवेगार व सुंदर बनविण्यासाठी नागरिकांनी मोठ्या प्रमाणात वृक्षारोपण करावे, तसेच लावलेल्या प्रत्येक रोपाच्या संगोपनाची जबाबदारी स्वीकारावी, असे आवाहन अमरावती महानगरपालिका आयुक्त डॉ. मंगेश गोंदावले यांनी केले.
स्वातंत्र्य दिन, अमरावती महानगरपालिकेचा वर्धापन दिन तसेच ‘हर घर तिरंगा’ अभियानाच्या पार्श्वभूमीवर आयोजित वृक्षारोपण अभियानातून पर्यावरण संवर्धनाचा संदेश देण्यात येत आहे. वृक्षारोपण ही केवळ औपचारिकता न राहता ती लोकचळवळ बनणे आवश्यक आहे.
शहरातील प्रत्येक नागरिकाने या चळवळीत सहभागी होऊन आपल्या परिसरात वृक्षलागवड करण्यासाठी पुढाकार घ्यावा. शहरातील वाढते प्रदूषण, तापमानवाढ आणि कमी होत चाललेली हिरवळ लक्षात घेता वृक्षांचे महत्त्व अधिक वाढले आहे.
झाडे लावण्याबरोबरच त्यांना नियमित पाणी देणे, संरक्षण करणे आणि आवश्यक ती निगा राखणे गरजेचे आहे. त्यामुळे महानगरपालिकेच्या वतीने लावण्यात येणाऱ्या वृक्षांचे संवर्धन करण्यासाठी नागरिकांनीही सहकार्य करावे.
महानगरपालिका प्रशासनाच्या विविध वृक्षारोपण उपक्रमांना सामाजिक संस्था, शाळा-महाविद्यालये, व्यापारी संघटना, युवक, महिला मंडळे आणि पर्यावरणप्रेमींनी सक्रिय सहभाग द्यावा. उपलब्ध जागांचा योग्य वापर करून अधिकाधिक वृक्षलागवड करण्यासोबतच शहरातील विद्यमान वृक्षांचे संरक्षण करण्यालाही प्राधान्य द्यावे.
आज लावलेले एक रोप उद्याच्या पिढीला सावली, शुद्ध हवा आणि निरोगी पर्यावरण देणार आहे. त्यामुळे प्रत्येक नागरिकाने वृक्षारोपण करून त्याच्या संगोपनाची जबाबदारी स्वीकारावी, असे आवाहन आयुक्त डॉ. मंगेश गोंदावले यांनी केले.
अमरावती शहराला ‘हरित, स्वच्छ आणि सुंदर अमरावती’ बनविण्यासाठी महानगरपालिका प्रशासनासोबत नागरिकांनी एकजुटीने काम करावे आणि वृक्षसंवर्धनाची ही चळवळ सातत्याने पुढे न्यावी, असेही आयुक्तांनी सांगितले.