July 13, 2026

अमरावती महानगरपालिकेचे नवनियुक्त आयुक्त डॉ. मंगेश गोंदावले यांनी पदभार स्वीकारल्यानंतर आज, सोमवार दि. १३ जुलै २०२६ रोजी महानगरपालिका मुख्यालयातील विविध विभागांची पाहणी करून विभागनिहाय कामकाजाचा आढावा घेतला. प्रशासनाची सद्यस्थिती, नागरिकांना दिल्या जाणाऱ्या सेवा, प्रलंबित कामे, विकासकामांची अंमलबजावणी तसेच कार्यालयीन कार्यपद्धतीची माहिती त्यांनी संबंधित विभागप्रमुख आणि अधिकाऱ्यांकडून जाणून घेतली. पाहणीदरम्यान आयुक्‍त डॉ.मंगेश गोंदावले यांनी विविध विभागांच्या

अमरावती महानगरपालिकेचे नवनियुक्त आयुक्त डॉ. मंगेश गोंदावले यांनी पदभार स्वीकारल्यानंतर आज, सोमवार दि. १३ जुलै,२०२६ रोजी महापौर श्रीचंद तेजवानी यांची सदिच्छा भेट घेतली. महापौरांच्या दालनात झालेल्या या भेटीत शहराच्या सर्वांगीण विकासासंदर्भात प्राथमिक चर्चा झाली. नागरिकांना अधिक कार्यक्षम, पारदर्शक व दर्जेदार नागरी सुविधा उपलब्ध करून देण्यासाठी प्रशासन आणि लोकप्रतिनिधी यांच्यात समन्वयाने काम करण्यावर भर देण्यात आला.

अमरावती महानगरपालिकेचे नवनियुक्त आयुक्त डॉ. मंगेश गोंदावले (भा.प्र.से.) यांनी आज पदभार स्वीकारला. माजी आयुक्त वर्षा लढ्ढा यांच्याकडून त्यांनी अधिकृतरित्या कार्यभार स्वीकारत शहराच्या सर्वांगीण, शाश्वत व नागरिकाभिमुख विकासासाठी कटिबद्ध राहण्याची ग्वाही दिली. पदभार स्वीकारल्यानंतर डॉ. गोंदावले यांनी सांगितले की, अमरावती शहराच्या विकासाला अधिक गती देण्यासाठी सर्व अधिकारी व कर्मचाऱ्यांच्या समन्वयातून कार्य केले जाईल. महानगरपालिकेअंतर्गत सुरू असलेले